Sanoja: Bap. Wofür ?.

Künnt ich det doch schrievve
un köhm mir nit blööd dobei vüür:
Dat Leed en alle Sproche

dämm mer övverall zohührt

dat einfach nur en Frooch stellt
un domet jede Minsch berührt: Wofür
wofür?

Vun Kapstadt bess zum Nordkap

vun Nebraska nohm Ural

Berlin bess Wladiwostok
un widder öm bess Gibraltar.
Un jeder däät et singe
un hätt die Frooch sujar kapiert: Wofür
wofür?

Wofür die janze Träne
all dat Leid un all dat Bloot?
Et Lääve's suwiesu zo koot.
Jeff mir ne einzje Grund
für dä et sich zo stirve lohnt -
wofür? Wofür?

Op türkisch un op kurdisch

op arabisch

op Hebro

op spanisch un op englisch -
ich jläuv
dat Leed wööt nit jraad koot.
Op russisch un chinesisch
un en dä Sprooch vüür dinger Düür:
Wofür
wofür?

Wofür die janze Träne
all dat Leid un all dat Bloot?
Et Lääve's suwiesu zo koot.
Jeff mir ne einzje Grund
für dä et sich zo stirve lohnt -
wofür? Wofür?

Doch leider bliet dat Leed wohl
nur en schöne Illusion

denn jing dat esu einfach

dann hädden Schlaure sescher schon
dä Drieh dofür jefunge

un sich dobei och nit geniert: Wofür
wofür?